Afmælisbarn dagsins, Berglind Guðmundsdóttir

Sjáið Berglindi. Hún á afmæli eins og Félag íslenskra landslagsarkitekta.

Berglind lærði fagið í KVL í Kaupmannahöfn og útskrifaðist þaðan árið 1997 og vinnur í dag hjá Hafnarfjarðarbæ á Umhverfis- og skipulagssviði. Berglind staðfestir að deiliskipulögin rokka svo ekki sé nú talað um breytingu á aðalskipulagi. Engu að síður er það Gladys Knight sem kemur henni í stuð.

Í tilefni dagsins varBerglind spurð spjörunum úr.

• Áttu þér uppáhalds tré? Birki og þá sérstaklega Bæjarstaðabirkið, hvíti börkurinn og beini stofninn gerir þetta tré svo einstaklega fagurt.
• Hvaða bók er á náttborðinu? Bernskubók Sigurðar Pálssonar.
• Er einhver landslagsarkitekt / arkitekt sem þér þykir skara fram úr? Frederick Olmsted og Bjarke Ingels.
• Hver er fallegasti staður á landinu? Kaldalón á Snæfjallaströnd.
• Hvert er uppáhalds útivistarsvæðið þitt? Garðurinn heima í Hafnarfirði.
• 30 x 30 eða 40 x 40? Ég er þrjátíu þrjátíu týpan.

Þetta var Berglind. Hún á afmæli eins og Félag íslenskra landslagsarkitekta.  Verið eins og Berglind.