Afmælisbarn dagsins, Eiður Páll Birgisson

Sjáið Eið. Hann á afmæli eins og Félag íslenskra landslagsarkitekta.

Eiður lærði fagið í KVL í Kaupmannahöfn og útskrifaðist þaðan árið 2004 og vinnur í dag hjá Landslagi ehf. Eiði finnst lang skemmtilegast að vinna verkefni sem þarf að hanna í mælikvarðanum 1:1 og verkefni hönnuð með þrívíddartækni eins og til dæmis varnarmannvirki. Þó tekur hann greatest hits með Celine Dion og Rambo 4 fram yfir allt annað.

Í tilefni dagsins var Eiður spurður spjörunum úr.

• Hver eru helstu verkefni þín hjá Landslagi? Hönnun og skipulag í Urriðaholti og Kauptúni. Samgöngustígar og hljóðvarnir í Garðabæ. Ofanflóðavarnir – Siglufjörður, Ólafsvík, Ólafsfjörður, Seyðisfjörður. Fyrirtækjalóðir t.d. Ikea í Garðabær, Litáen og Lettlandi. Torg – Thorsplan, Stjörnutorg, Garðatorg.
• Áttu þér uppáhalds tré? Garðahlynur. Getur orðið glæsilegt og langlíft tré sem hentar í borgarumhverfi.
• Er einhver landslagsarkitekt / arkitekt sem þér þykir skara fram úr? Rem Koolhaas og Reynir Vilhjálmsson.
• Hver er fallegasti staður á landinu? Þórsmörk.
• Hvert er uppáhalds útivistarsvæðið þitt? Laugardalur.
• Áttu þér uppáhalds tónlistarmann? Lemmy Kilmister.

Þetta var Eiður. Hann á afmæli eins og Félag íslenskra landslagsarkitekta.  Verið eins og Eiður.