Afmælisbarn dagsins, Hermann Ólafsson

Sjáið Hermann. Hann á afmæli eins og Félag íslenskra landslagsarkitekta.

Hermann útskrifaðist frá Norges landbrukshøyskole árið 1997. Hermann vinnur á Landhönnun slf Selfossi og sinnir hönnun lóða og opinna svæða ásamt gerð deiliskipulaga í dreif- og þéttbýli.

Í tilefni dagsins var Hermann spurður spjörunum úr.

• Skemmtilegustu verkefnin? Segjum bara leikskólalóðir, þar eru þakklátir notendur 🙂
• Uppáhalds tréð? Úlfareynir, með sínu dökkgrænu og gljáandi laufi, bleiku blómaklösum, skær rauðu berjum og marglitu haustlitum.
• Uppáhalds bíómynd? Reykur og bófi (allavega þegar ég sá hana 10ára).
• Falin perla hönnuð af landslagsarkitekt, veist þú um svoleiðis? Höfuðstöðvar Wurth í Noregi! Þangað rekast ekki margir, en þar tók ég þátt í að skapa gríðarmikinn steina- og vatnsskúlptúragarð auk þess sem dvalarsvæði starfsmanna voru með því flottasta!
• Hvert er uppáhalds útivistarsvæðið þitt? Reykjadalur ofan við Hveragerði.
• Fallegasti staður á landinu? Landmannalaugar sem miðpunktur friðlandsins að Fjallabaki.
• Uppáhalds tónlistarmaður? Jeff Lynne í ELO.

Þetta var Hermann. Hann á afmæli eins og Félag íslenskra landslagsarkitekta og hefur ekki enn komið til USA, en komið bæði til Rússlands og Kúpu. Verið eins og Hermann.